昨日接了一個電話.......
係一個 2年前的舊客戶, 提一提大家我己轉公司 1 年,
當中我己用了所有方法通知全部舊客戶, 並非靜雞雞咁走左去的,
對話如下:
舊客戶: Matthew 你好呀, 我係你舊客戶...... 依架想去你到開戶口呀....
Matthew: 好呀, 睇你幾時得閒, 過來攪囉~ 舊客戶: 咁你SEND 返個BP 程式同外掛我用啦 !
Matthew: 但你已經無做買賣超過 1年時間, 我地規矩係要當新客戶處理的, 所以你須要重新簽署1年期系統使用費協議, 到你做夠1萬元佣金, 我再安排退回1萬元給你吧。
舊客戶: 吓, 又要簽及付1萬元, 我以前咪己經比過囉??
Matthew: 但你己經超過 1年, 而且就算計舊公司戶口, 都己經起碼 2年無做過買賣喎, 我點可以當你係 BP 會員呢??
一向都有做買賣的BP 會員, 都會自動獲得續期, 所以唔須要年年比, 但我無可能你十年後出現, 十年後我仲當你係會員架喎???
舊客戶: 吓, 我以前都用唔到個一萬元額 ~
Matthew: 一萬元係一年期 BP系統使用費, 只不過我地有個可以退回的佣金計劃, 而唔係你放低一萬元就永久做結存的, 我亦無可能幫你永久保存啦..... 當時我地都講得好清楚架喎, 而且我地一定要叫客戶自己衡量, 能否一年期內做到一萬元佣金, 能夠的才選擇加入~ 所以論壇權限, QQ 即市聊天室, REAL-TIME DATA 資料回補下載, 網上免費課程.........等等服務, 都唔可以給非 BP 會員使用的呀 !
舊客戶: 吓, 論壇權限, QQ 即市聊天室 都唔得?? 唔好啦, 你都係想客做佣金姐, 免費比我入反去咪得囉.......
(註: 其實佢知唔知自己講乜呢? 因為佢自己 2年以上1單買賣都無做過......, 完全唔排除佢係外面其它公司做, 但又要想我們的 BP 免費服務 !! )
Matthew: 唔可以, 因為所有客戶都係要咁做, 而QQ 聊天室權限, 講真我長期沒有調整權限, 只是剛啱上星期先, 的起心肝做調整, 將長期無生意的名單移出, 計落, 己經免費了好多年給那些長期無於我們處做買賣, 而又使用我們即市炒賣提示的人, 共同存在於聊天室之內 !!
這個對我們實在是極之不公平的事, 又要我們做, 又無佣金收入, 咁我做黎做乜呢?? 而且, 只要你係有心做買賣, 1年期的時間, 基本上是一定可以取回一萬元的, 所以 對一些預算了會於我們處做買賣的朋友來說, 根本上不是一個甚麼條件, 因而對沒有心於我們處做買賣的朋友, 才是很大的條件。
舊客戶: 你都係想要客戶做佣金姐, 我成為左你個客你咪有佣金囉...... (註: 咁點解 2年來我沒有你做買賣的記錄呢?? 有無 D 自相矛盾呢?? )
Matthew: 你就算唔加入BP, 做買賣都要比金買賣架啦 !! 只不過你用慣左 BP 服務唔多覺, 我們其實是提供了一系列免費服務....... 你要明白, 我們設立這個基本上不是條件的條件目的, 是保障我們自己的利益, 實在太多人, 因為外面佣金更 "平" , 而選擇係外面做買賣, 但又因為我們於 QQ 即市聊天室的 "提示準" ,
所以又想要我們的服務 !!
註: 修正一句, 免太過自大咁, 唔係我地提示準,
應該話我們的提示較有參考價值,
而有些朋友, 粗魯 D講句 又想食又想攞, 但就唔想比錢........
你係我, 你比個理由我, 點解我要繼續提供免費服務 ?? 我自己炒好過啦? 係咪呀?
( 註: 如果唔係我上星期正式執行除權動作, 你估有無人會出現返呢?? )
唔想重新付出一萬元, 但又可以加入BP 的方案:
其實這個方案, 一早己經存在, 我們都有提及過的,
就是先做買賣, 當佣金累積到1萬元時, 便可以申請直接加入BP !
申請使用『最佳拍檔』的要求及詳細資料
http://www.bp-system.com/discuz/viewthread.php?tid=257&page=1#pid1443
都係一句: 就算唔加入BP, 做買賣都要比佣金買賣架啦 !!
邊間唔收你佣金比你買賣證劵期貨的, 敬請通知我一聲, 等我過去開戶口!!
BP 的所謂條件:
對 有心 做買賣的朋友: 我們的條件, 等同無條件 存在。 對一開始就 無心 做買賣的朋友: 收1元佣金都會算很大條件, 莫講收一萬元可退回的使用費。
|