甜甜HSI期權倉 - (模擬倉)

甜甜

Originally posted by 甜甜 at 2007-6-19 11:26 AM: ming974: Ceci大姐大時時講AO盤, 昨日對你的倉位好重要, 開市前競價時段, 價位大幅上揚競價, 擺AO盤, 楂細期, 張數依Delta值增加咪對曬21000SC損失, +255點裂口高開 ...

覺得貼張圖, 記低大市走勢好d ge。

甜甜

今天在聊天室, ming 姐問: short put開倉, 選擇邊個行使價?

 

Ceci 大姐大答: short put 倉, 做邊個行使價唔重要, 而是能否捉正轉角位, 捉4浪底, 開倉策略Short put, 食5浪 or moe。

 

學識數浪, 配合策略, 咁至發揮到期權爆炸力架。

以June單邊巿, 重有幾個交易天, 是期指結算日, 大市連升了六天, 再搏short put, 不合時宜, 寧擇即月long call, 搏高位結算, 輸有限。  同時, 若考慮下月大市波幅範圍, 擇跨價認購長倉/短倉 or 跨價認沽長倉/短倉, 鎖定風險。

 

單邊市: 1, 3, 5 浪。  上落市: 2, 4 浪

 

 

 

[ Last edited by 甜甜 on 2007-6-26 at 01:28 AM ]

甜甜

近日大家對HSI Option開倉策略持不同方法, 殊徒同歸, 多謝Ceci大姐大給我們分析如下:

 

 

Long call 與 short put 都是看升的 , 只是看升的程度不同而己。 因為大家對後市都係斷估 , 所以開甚麼倉不是重要得咁緊要 , 只要不錯方向就 OK 嘞！ 反而 , 識唔識得把握入市時機 , 决斷 take action 做野 , 在我眼中更為重要。  

 

Ceci大姐大問:  如果 4 浪跌至 23.6% , 『最』發出訊號 (唔講甚麼時段, 甚麼訊號了, 因本帖無分也可以看 ) 叫買上 , 應用 buy call or short put 呢？  餘此類推 , 跌至 38.2%、50%、61.8% 又如何選擇呢？？

甜甜愚見: 大市如果 4 浪跌至236%, 『最』 發出訊號: 叫買上, 即係市底好強,  4 浪見底, 開展延伸 5 浪機會大啦, (單邊巿兼現正月頭), 我揀 Long Call law, 跌穿開倉日低位止蝕。

 

若然4 浪跌至 50% -  618%, 其間某一點抽升, 『最』發出訊號: 叫買上, 相對反彈5 浪升幅有限, 無妨Short put策略應市。

萬一受外圍影響, 裂口低開在618%位置以下, 開市位係關鍵位, 觀察反彈力度啦, 若見反彈至236% - 382%, 表示好友反攻欠火候, 淡倉勝出, 失敗 5 浪成立。此刻反倉正合時宜, 上述應巿規矩, 係Ceci大姐大時時提我架, 亦是大家學過架, 給大家溫故知新吧, 共勉。

 

 

 

 

[ Last edited by 甜甜 on 2007-6-29 at 04:44 PM ]

甜甜

順勢賺大錢 - 今次期權策略 Long Call / Short Put ~雙嬌合璧~ 跟住明燈「最佳拍擋] , 順勢出擊, 雙嬌合璧, 互補不足, 破位止蝕, 推高止賺, 高處未算高, 安心等候 [最} 發出沽賃訊號咪得囉! [ Last edited by 甜甜 on 2007-7-15 at 12:17 PM ]

甜甜

甜甜好幸運, 日前入選進修 ~~期權實戰…深造班~~,  收到Ceci 大姐大傳授贏錢最高心法, 字字珠機, 幫助對期權有興趣人仕。本貼上多篇文章, 用作深造班教材, 以下筆記, 公諸有緣人。

 

順勢賺大錢 - 今次期權策略 Long Call / Short Put ~雙嬌合璧~[/size]

 

 

圖上有三次止賺紅點, 大家係那個位止賺呢.[/size]....

甜甜

期權實戰…深造班~~, ;Ceci 大姐大手稿本貼上多篇文章, 用作深造班教材, Ceci 大姐大 ~~傳授贏錢最高心法;幫助對期權有興趣人仕

 

問：如何避免經常性動態式對冲的問題

 

答: 本貼 #14樓

 

問： 如何對冲恆指期權倉風險

 

答: 本貼 #38-40樓, 74樓, 79樓, 133樓, 192樓, 及 「期權討論室」 43-45 樓 ;

 

問 : 如何拆倉、搬倉、救倉？

 

答: 期權開倉後, 遇上市況對己不利, 不對方向的倉位, 平哂佢, 止蝕, 保留羸錢倉位, 伺機加碼。 三十六計, 走為上上計,

甜甜

[逃生門的密碼….~~ 止蝕 ~~]

 

深造班成員, 個個高手: 緊記 呢個密碼啦!….~~ 止蝕 ~~,

 

大巿每次反覆, 我估梗有人大出血, 原因唔守規矩, 唔記住: 逃生門密碼 ~~止蝕 ~~, 保本才可以用....錢搵錢+.....訂止蝕, 有預算, 唔執行, 陷自己於十號風球, 冇救生員的海中, 我希望BP的弟兄姊妺都收到..........

 

[~~ 逃生門的密碼….~~ 止蝕 ~~]

甜甜

[~~ 量力而為 ~~]: 切勿做倉過量, 經濟壓力會影響心情, 施展救倉. 搬倉種種策畧, 目的都是減少損失, 但持有逆市倉的你, 會令你精神壓力跟delta值一同增長, 此刻應决斷,-------[逃生門的密碼….~~ 止蝕 ~~], 為自己留一條生路, 過去有例子, 因小錯猶疑, 拖延引至不能翻身, 令人嘆息,下載貼子可印証, 請參閱「期權討論室」 #45 樓貼子。 http://www.bp-system.com/discuz/ ... 1&highlight=&page=5 [ Last edited by 甜甜 on 2007-7-31 at 11:23 PM ]

甜甜

貼張圖, 記錄大市走勢, 一周波幅2500點, 一日波幅1320點, 一下猶疑, 咪話唔傷, 因此甜甜推介長倉應市的原因, 請參閱上文 ~~~ [ Last edited by 甜甜 on 2007-8-18 at 08:59 AM ]

pixer

Originally posted by 甜甜 at 2007-8-20 12:47 PM:

Hi Pixer:

你係咪上過 Ceci 大姐大 ~~ 13/07, 期權實戰深造班 ~~, 曾發問: 行使價? 揀價內定價外的朋友呀! 我係你學友….”甜甜”……。

誠意邀請閣下將樓上文章, 閣下寳貴 ...

 

 

甜甜姐姐客氣喇, 我可以0係著名嘅 "甜甜HSI期權倉"貼野, 係我嘅榮幸就真, 多謝你比呢個機會我呀. (我係真心咁講架, 唔係講笑或者客氣說話.)

 

係呀, 我有幸上過 Ceci 大姐大 ~~ 13/07, 期權實戰深造班 ~~, 問行使價果個係小弟黎嘅, 甜甜姐姐真好記性, 咦, 咁我地咪係同班同學.......

 

以下係由fida兄"跌夠未" #19樓轉貼之文章, 如有任何錯漏, 歡迎各界朋友不吝指正, 謝謝.

 

咦, bella師姐, 你又係讀 benny 的課程架, 我都係喎, 你幾時讀架? 會唔會我識你架呢? (呢d方法會唔會out左d呢?) 另外, 仲要恭喜你贏左783點呀! 勁呀! 女版matthew.

 

你有冇讀過投資實戰工作坊呀? 我都唔記得我係上一期定上兩期讀實戰工作坊, 我剩係記得果日個市上午跌好多, 下午戲劇性咁升番突.

 

我而家都進行緊洗腦工程, 梁生d野我盡量清洗, 再填入『最佳拍檔』老師們的教導, 諗番起以前沽期權嘅日子, 食唔安, 坐唔落, 瞓都瞓得唔好. 我做左18個月沽期權嘅策略, 輸5個月, 贏13個月, 但我而家都寧願唔做, 真係食小多覺瞓, 起碼而家鋪鋪清, 晚頭唔駛咁緊張個dowjones點行, 反正用老師果套, 唔會賺得小過沽期權(大家睇matthew就知, 一日贏4xxx點, 本金番倍, 要沽幾多期權先收到咁多期權金呢?), 當然我冇matthew大大咁勁, 但以前炒期指, 10日輸左8日, 但前果排順手的時候, 我試過連續8日贏錢.

 

不過, 而家都仲有好多讀梁生課程d師兄弟玩緊呢樣野, 我都勸過佢地收手, 不過都係失敗, 就正如我以前咁, 人地叫我唔好咁做, 但我就覺得我都冇其他方法有信心贏到錢, 沽期權已經係我最有把握架喇, 唔做佢做咩呀! 當然, 其實唔係真係有咩把握, 而係果幾個月咁啱波幅細, 唔駛點對沖, 扣哂月中交嘅保險費之後仲有多少生果金剩.

 

大家讀過梁生課程都知, 佢呢套野(當然, 其實呢套野唔係佢發明)係0係深造班先教, 我當年仲覺得呢套野好掂, 特登讀左深造班兩次, 之後做左18個月, 累計係贏錢嘅, 所以, 我可以大膽咁講, 做呢套野我已經了解左99.9%, 我可以好清楚咁話比大家聽, 呢套野對梁生來講真係work嘅, 但係對一般散戶就是糖衣陷阱, 如果你認為自己有梁生咁嘅能力, 經驗, 膽色, 技巧, 紀律, 心理質素, 同埋最重要嘅資金, 我會鼓勵你去做, 但係, 如果你是旦冇一樣的話, 我會強烈建議你放棄這種玩法, 腳踏實地跟ceci同matthew學吓數浪, 型態, 等等等等.

 

其實, 梁生真係一個好人黎嘅, 佢都好肯分享佢買賣嘅心得, 我有幾次同佢閒聊, 都覺得佢係好有理想, 好希望幫到散戶, 唔駛比大戶魚肉, 但係, 佢又真係冇考慮過, 散戶嘅問題係咪剩係技巧不足呢? 佢花好多時間研究好advance 嘅技巧, 累積好多經驗, 但係呢d技巧同經驗, 又係咪我地坐0係度3個鐘, 聽一陣又中一陣眼瞓都可以完全吸收呢? 學完之後, 再考埋一個一定合格嘅考試(為左claim番政府一萬蚊), 仲唔一邊唱住"難得一身好本領", 一邊衝入去沽期權提款, 殊不知以為自己係大俠, 點知原來係隻牛, 不斷比一隻叫delta嘅怪物牽住鼻子走, 嘩嘩嘩, delta +0.5喇, 仲唔揸一張...... 嘩嘩嘩, 做咩今朝裂口低開300點, 個delta由尋日收市+1.2, 變左 -1.5架, 咁我咪要沽番3張期指........ 結果, 當你比佢左一巴右一巴之後, 未到月中, 收番黎嘅期權金已經改名變哂左做保險金, 咦, 幣嘞, 梁生好似冇教過我, 收番黎嘅期權金蝕哂咁點算呢!?!?!?

 

基本上, 呢幾個月根本就唔係沽期權嘅好日子, 梁生其實都有教架喎, 10個月中一般有7個月牛皮, 3個月波動大, 我地就做牛皮果7個月囉, 我問大家一個好難答嘅問題, 今個月(8月)覺得個市係牛皮嘅請舉手! 冇舉手嘅朋友們, 點解你又會去開沽期權倉呢?  一個字講哂 -- 貪心(好似係兩個字喎). 點解貪心?

 

"pixer, d期權金好高呀, 引伸波幅成28厘, 沽兩邊一套都收成千點期權金, 超荀, 我就唔信佢會行到一千點呀! 就算行到我都一早對沖左啦.",

 

呢段說話, 我月頭有5個朋友同我講過, 經過我循循善誘, 慢慢解釋比佢地聽:

"咁高引伸波幅, 有機會係今個月波幅大, 莊家回避風險, 先至將引伸波幅抽高, 好危險架, 莊家點會咁益你架! 小心收埋都唔夠比呀!" 

結果...... 結果就係5個都唔聽我講, 開哂沽勒束式期權倉, 距離由400點至1000點

不等(如果睇到呢度, 你唔明我講咩, 咁就恭喜哂你, 另外唔好比自己去明就ok嘞.). 最終應驗左每次我聽到有人同我講"我就唔信......", 果個人都會死得好慘(真神奇!), 呢5個人都有不同程度嘅損失, 小至幾萬多至近一百萬, 我嘅損失就係佢地加埋用左我個手提2300分鐘, 下個月張bill就甘囉. 老實講, 唔好話你地, 連梁生呢個月d期權倉都唔係咁順利, 如果你係佢網站會員, 自己入去睇睇今個月佢嘅買賣紀錄, 包你"O"咀! 剩係上星期五一日已經夠精彩, 我而家終於知道matthew贏果d錢0係邊度黎.

 

我同老師們都好清楚, 就算我們再苦口婆心d, 都一定有朋友不願放棄沽期權這種買賣, 一定要直至輸一次兩次或者三次大錢才會醒覺. 所以, 睇到呢篇野嘅朋友, 都係『最佳拍檔』嘅兄弟姊妹, 總算有緣份, 其實, 成功嘅方法同人版已經擺左0係度, 請好好考慮而家係咪最適合嘅時候, 放棄呢d高難度又唔一定贏錢嘅玩法, 切切實實去學好基本功, 呢度有免費堂上, 又有即市chatroom, 又有成功嘅炒家提點你, 仲有一大班兄弟姊妹拍住上, 唔學好一生受用嘅技巧仲等幾時呀?!

 

 

 

.