设为首页收藏本站

『最佳拍檔』智能決策系統

 找回密码
 立即注册

QQ登录

只需一步,快速开始

搜索

衝擊可以改變全世界 ??

2012-7-11 01:33| 发布者: admin| 查看: 1844| 评论: 1|原作者: admin

摘要: 文章轉自一位剛下班之警察! 「我地每一日,都幫緊好多既人。無人尊重警察,唔緊要,但做警察既,勿忘對自己既尊重!」 「一向唔多係網上發言,因為個個得把口,但今日都要用把口講一陣,訓醒就會del 個post。 ...
文章轉自一位剛下班之警察!
「我地每一日,都幫緊好多既人。無人尊重警察,唔緊要,但做警察既,勿忘對自己既尊重!」
「一向唔多係網上發言,因為個個得把口,但今日都要用把口講一陣,訓醒就會del 個post。

先致香港警察一句成語,「欲加之罪 何患辭」,今日講完,都唔想再講,明既明,唔明既,由他吧。
今日上街衝擊你地既一班暴動人仕,生在福中不知福。

口口聲聲話無自由,封哂3 條行車條俾你地,仲要話警方故意拖慢遊行節奏!?最後自行衝擊警察封鎖,迫使警方開放其餘3 條東行線。

其實,條路係用黎俾車行,法例無訂明維園,銅鑼灣,灣仔,中環,西環,係香港專用示威區,或暴動區。你有遊行自由,人地就無行街自由,無訓覺自由,商戶無做生意自由,車主無駕駛自由,因為你地,知唔知影響到幾多人,你地既自由,知唔知影響左幾多人既自由?

人地支持特首,你就幾百人圍住人地,人地又無自由既?你班打住自由口號既,根本無學識無文化,只係為左攪事!

有不滿,就整到成架警車都係垃圾,即係下次有人不滿,就可以整你架車,整你屋企門口?
有不滿,就近距離向警察吹哨子,無人知道耳膜好薄弱?警察就刀槍不入?如果依位警察聾左咁點!?不負責任!

有不滿,就四十萬人去衝擊幾千警察,警察以一敵百,明明俾你拉跌鐵馬,又要話係警察推倒。
胡椒噴劑噴面又可恥。咁有需要時開槍打中個人都好可恥啦!
問心,以前槍林彈雨,走到最前線,係邊個。

家暴,黑社會,精神病人仕,舞刀弄槍,走到最前線,係邊個。
你唔見左個仔,又邊個幫你搵返。

災難現場屍橫遍野,又邊個入去為死者做身後事,或為佢地討回公道。
洗黑錢,殺人放火,打劫,偷野...無數咁多罪犯,邊個將佢地成之於法?
邊個看守你地既家園,邊個維治香港既治安,邊個打擊毒品,邊個打擊走私,邊個打擊小偷,邊個..
有太多野,真係講唔哂,亦太多人睇唔到,太多人諗唔到。

香港看似安安全全,就無人再記得警察,但無左警察,又會唔會有安安全全既香港。
你地覺得無需要警察幫助,其實只係警察默默地不求讚賞咁努力工作緊。試想如果香港無哂軍裝係條街巡邏,會有幾多罪惡發生?

我知,警察都會累,就算做警察既,都有一日會覺得,不如算啦,收份糧,打份工啫。
但唔好忘記,就算真係打份工啫,我地每一日,都幫緊好多既人。無人尊重警察,唔緊要,但做警察既,勿忘對自己既尊重!我絕對尊重警察,亦問心無愧。」

幫人轉述真相:

我想講,李卓人其實幾奸:
噚晚李卓人喺胡錦濤住嘅君悅酒店隔離示威,李卓人要求要有"遞信"環節,警方同意支聯會可以派代表去君悅門口遞信,但李卓人拒絕,堅持要中方代表嚟示威區接信,如果遞唔到信,談判就拉倒,佢哋會衝擊警察防線,當時我已經喺君悅門口set緊記者區,方便一陣遞信呢場show上演時記者大佬們可以影相拍片交差(亦證明警方係同意支聯會過嚟遞信,否則我呢啲嘍囉係唔會set場),就喺我set場期間,李卓人突然開咪同示威者講:"警方唔畀我哋過去遞信!"然後一班信李卓人信到十足嘅傻仔真係博命衝向警察,我即刻o咀,一嚟為前線頂住嘅工友感到辛苦;二嚟為班傻仔咁賣命感到難過….


做嘢喇、同僚,要齊心呀。轉發呀

************************************************

以上是我收到的資料, 我無法證實是真是假, 但我估如果係無聊人寫的話,
通常無聊人係唔會幫警員講好說話的, 只有責罵多...... 所以內容可信性我覺得很高 !!

我都希望  D 80,90, 00 後睇到, 真係靜心想一想, 係唔係比人地 ( D 所謂議員) 利用緊都唔知呢 ?


係行使自己既自由權時, 又係咪真係罔顧了別人的自由權呢 ?
又有無當差人(警員)係人呢?


如果每一個人都只顧行使自己既自由權, 而剝削他人自由權這種行為, 公平嗎 ?

你自己都當上欺壓別人自由權的人, 還有面大叫 "爭取自由" 嗎 ?
有廉恥有面目去批評別人嗎 ?  

.....如果你係一個成熟思想的成年人, 應該有自己的獨立思考能力,
做 "衝擊" 行為, 真的可以解決問題嗎 ?  

如果你地係咁有雄心壯志, 應該去代替這些利用年青人的議員, 做實幹的事, 去真正直接解決問題 !!


而唔係妄想去衝擊、拉倒幾個鐵馬, 就可以改變全世界,
亦絕對唔能夠証明你做的事有幾正確 !!  個世紀問題呢 ? 咪依然未解決囉 ?

最後, 唔好只係做 "要求者", 只係不段話人地做得點唔好, 有咩缺失.....等等 !!
問題呢? 依然未有解決, 還拉住更多的無關痛癢的問題 "拉布" 下去......沒完沒了....

要做就做  "獻策者" ,  直接了當解決問題, 及將衍生問題都一一幫手去解決,
才是正道。

清醒下啦  ! 年青人 !




鲜花

握手

雷人

路过

鸡蛋
发表评论

最新评论

引用 admin2 2012-7-12 23:24



如果每一個人都只顧行使自己既自由權, 而剝削他人自由權這種行為, 公平嗎 ?   



查看全部评论(1)

相关分类

小黑屋|手机版|Archiver|『最佳拍檔』智能決策系統    

GMT+8, 2022-5-18 00:42 , Processed in 0.055536 second(s), 25 queries .

Powered by Discuz! X3.2

© 2001-2013 Comsenz Inc.

返回顶部